jup vIneH

[morghan]

tlhIngan Hol ghoj juppu'wI''e' vIneH. chay' vIponlaH.

[tesseraktik]

chay' luponlu'...
Qatlh.

not juppu'wI' vIpon 'e' vInID, 'ach pIj tlhIngan Hol vIlo'mo', 'opvaD DajchoHpu'.  rut jIIvaD «Qapla'» «qoSlIj DatIvjaj» ghap jatlh chaH. mu'tlheghmey'e' vIghItlhbogh lumughmeH «internet» lo' wa' be', 'ej yIvbeHDaq mu'tlhegh ghItlhmeH latlh be', vImugh 'e' tlhobpu' ghaH.

...'ach 'u'QeD HaDwI'pu'* chaH juppu'wI'; chaq meqvammo' chaHvaD Daj «Science-Fiction» Hol.

*«physicist»vaD «'u'QeD HaDwI'» mu'tlhegh vIlo'.  Do' butlh'e' parHa' tlhIngan }};-D

[morghan]

Do'Ha'. qabDaq vay' jIjatlhneH. naDev tlhIngan Hol DIvI' jISamlaHbe'. jImob.

je,<other forums>Daqmey qeqmeH jInej. choQaHlaH'a'

[tesseraktik]

nIteb tlhIngan Hol DaHaD DaneHbe'. jIyaj. naDev tlhIngan Hol ghom tu'lu'be' je. qo'vamDaq puSmo' tlhIngan Hol jatlhwI', ghaytanHa' wa' yoSDaq cha' tlhIngan Hol jatlhwI'pu' tu'lu'. meqvammo', latlh tlhIngan Hol jatlhwI'pu' ghommeH, Daqmey Hop lujaH 'op tlhIngan Hol jatlhwI'pu'.
...'ach yoSlIjDaq tlhIngan Hol ghom tu'lu'be', chaq ghom DachenmoH. tlhIngan Hol ghojlu'meH vum'lu'nIS. vaj lughoj nuvpu' DaneHchugh, chaHvaD tlhIngan Hol DaDajmoHnIS.

HolQeD lutIvbogh nuvpu''e'vaD yIjatlh! chaq «qatlh tlhIngan Hol DaHaD 'e' DatIvnIS?». chaHvaD yIQIj!
chaq not tlhIngan Hol lughojchu' luneH, 'ach Hoch chaHvaD Daj HolQeD.  nItebHa' Suja'chuqlaH.

tlhIngan Hol qeqlu'meH nIvqu' «forum»vam. 'ach naDev bIqeqlaH je.

[morghan]

xkcd. majQa'. chay' naDev tlhIngan Hol ghom vIcherlaH. 'e' DaSov'a'.

[tesseraktik]

xkcd. majQa'.

HIja'.  «xkcd» vIparHa'qu'!

nagh beQ ghIH vIchenmoHta'bogh

chay' naDev tlhIngan Hol ghom vIcherlaH. 'e' DaSov'a'.

vISovbe'.  DuSaQDaQ, 'ampaSDaQ, yejHaDDaq, latlh yej'an ghap bIHaD'a'?  pIj ghommey chu' lucherlu'meH QaQ Daqmeyvam.  nav'a'meyDaq «Ever wanted to learn Klingon?  I'm starting a new group <yada-yada-yada> Contact me at <e-mail address> for more info!  batlh tlhIngan Hol yIHaD!» DaghItlhlaH 'ej chob pa' reDmeyDaq nav'e' muchmey DaHuSlaH. 'ach, yej'anlIjvaD yoSlIjvaD ghap «Facebook» ghom tu'lu', chap pa' ghomlIj Damuv nuvpu' 'e' DachuplaH.

wa' qeS neH 'oH.  Duwuv.  chay' Dacher DaneH?

[morghan]

DISwIj Qav 'oH DISvam. ghom vIchenmoH vIneHchu'.

«KLI» DIQumchuq DaqeS'a'.

[qurgh_]

HIja'. KLI DaQum 'e' vIchup.

ghomHomvaD De' QaQ lughaj. qepHom DachenmoH 'e' vIchup (http://www.kli.org/stuff/qepHom.html)

[tesseraktik]

HIja'.  tlhIngan Hol yejHaD jabbI'ID tetlh Damuv 'e' vIchup.  Dajqu'.

[morghan]

maj. nuv «email» jISamta´. Satlho'